Хайдағ даа тіл ӧсче, пір орында турбинча, наа сӧстернең сыбыра нааҷылалча.
Пістің дее тадар сайты пасхалалбинча, піс тее наа сӧстерні чарыхха сығарып, оларнаң тузаланчабыс. Кӧзідімге алза, пар мындағ сӧстер:
- Чӧрінді — орыс сӧзінде ол «движок» адалча. Пу сайттың чӧріндізі — wordpress. «Чӧрінді» сӧсті «программа» теенінең дее палғалыстырарға чарирох. Андағ оңдайнаң піди пазарға чарир: windows ол тимір миистің ӧӧн тӧстегліг чӧріндізі. Орыстап: windows — базовая программа компьютера.
- Тимір миис — компьютер теені. Пар олаңай тіріг миис, олох туста тимірні табырах сан санастарына килістіре оңдайлап алғанынын таныхтап, «тимір миис» сӧсте санас киректері кізідең табырах таа полза, тимір ол тимір ле теенінең артыхти сығарылбинча.
- Тиріг-тиміс — технология. Тиріг — хол узынаң ӧнетін тимнелген ниме. Тиміс — тимірлердең палғалыстығ оңнаныс. Аннаңар «тиріг-тиміс» сӧс палғалыстарын технологиянаң тиңнестірерге чарир.
- Пазығ — пост. Пу сайтта ноо даа пазылчатхан нимені — «пост» тир орына — «пазығ» тіп адапчабыс.
- Пӧліг — рубрика. Хакас тілінде «пӧлік» сӧс пар, аның тузазы прайзына пілдістіг, че «пӧліг» теенін піс амды «рубрика» чіли таңмалапчабыс. Ол сӧстің таңмазы амға теере пу кӧрімінде тузаланылбаан.
- Кемлік — паспорт. «Кем» теені тіріг кізее ле теелче. Кемлік — тіріг кізінің пічікке кирілчеткен таңмаларын таныхтап, піди адап пастирға чараттыбыс. «Кемлік чарадығлары» — паспортха кирілчеткен таңмаларнаң пу сайтта ӱлезері теені полча (политика в отношении обработки персональных данных).
