Кічіг хырлас айының 26-ҷы кӱнінде «Ине тілі — 2024» марығ иртер. Пу марығда чыл сай ӱгренҷілер алыптығ нымахты тирең пілерінде, аны кӧрбин хоос чоохтирында алай толдырарында марығласчалар.
Пастағы хаалағ иділ парған — чарғыҷылар сағамғы туста 14 ӧменің ызылған кӧріглерін паалапчалар. Ікі нидиле пазынаң ӧӧн марығ полар, анда 13 ӱгренҷі, алаптығ нымахты кӧрбин хоос чоохтирлар паза толдырарлар. Пӱӱл марығның аймах-пасха номинацияларында прай 67 пала араласча.
Марығның тӧстегҷізі — Хакас Республиканың Национальнай паза территориальнай политика Министерствозы. Ол ахчаны пирче. Марығны ХакНИИЯЛИ паза «Ине тілі» халых пірігізі иртірче.
