Сан-Диегода чуртапчатхан логопед Кристина Хангер, позының Стелла адайын сӧстер хоостыра чоохтазарға ӱгрет салған. Пу ӱгредігде ол пір, ікі частығ палаларға чарыдылған ӱгредігліг программаға тӧстенген. Ам, полған на пар туста, пос адайынаң чидіглерін чарыхха сығарча!
26 частығ чиит ипчі, ибінде кнопкалығ интерактивнай чартыны турғызып алған, полған на кнопканы сӧстең палғалыстығ ит салған. Кнопканы адай пасса, пу чарты сӧс тапсапча.
Хагнер адайына сигіс ай толғанда, пу методиканаң хоостыра ӱгредиин пастаан.
Соонаң, тус ирткенде, адай позы полған на кнопканаң сӧзін оңнап, ээзінең хада кнопка пазып чоохтазарға пастаан!
Пот, йастра, адай даа кізі тілін оңарча, пір дее ӱгреністең чалтанмин! Піске чи, тадар тілін ӱгреніп аларға, арса, андағ чарты кирек? Айабас таа чи!
