Тадар кибірінде хыс кізіні, Ымай іҷенең палғалыстырҷаңнар. Аннаңар чонда тидірлер, ипчі кізі ӧріенген чирде, ибіркі чир тыннығ пол парадыр. Пу чирде прай ниме ӧсче, тынча, ӧскен тамах тадылығ паза татхыннығ поладыр.
Че, хайда хыс кізі чобалған, аар чуртасха теелген, андағы чир тынмин ӧлче. Аннаңар пу кибірні піліп, тадар чонда хыс паланы, ипчі кізіні, іҷені паза уҷааны сӧстең дее хыйыхтабин, паарсап ипти чуртас чолынҷа апарчаңнар.
